Faè Giovanni
…a cura di Graziano M. Cobelli
Per contattarmi scrivi a >>> gcobelli05@gmail.com
Per la Biografia in questo Sito a cura di Giancarlo Volpato
cliccare qui ⇒ Giovanni Faè
***
El ciaro grando
Limpida sera d’istà,
che te slusi su la sima de i monti
co’ na gran dressa de stéle
che fa pi’ strovi i boschi e ciare
le case e i progni,
par mi tardiga el sono
e no riesso a catar ben.
Da i alti muci del fen segà
ne i pré carghi de tristessa,
çento profumi se alsa
e canta i grij,
ma el rossignol el tase
spetando la luna tendra su la vale.
El cor a mi me dise su
la solita filagna e ruma
sempre pi’ fonda la malinconia
de la me pora vita che se ingruma;
a forsa de tajare e de limare
co’ la prea anca el fero se consuma.
Vorìa, ma non son bon a sera
corgandome desmentegarme tuto,
come che fa i malghesi
su i bàiti de Malera:
drento me rósega,
cofà un castigo o ’na maledission,
el ciaro grando che infoga el célo
ladó distante, sora la çità.
IL CHIARORE GRANDE: Limpida sera d’estate,/che luccichi sulla cima dei monti/con una grande treccia di stelle/che fa più bui i boschi e chiare/le case e i torrenti,/per me tarda il sonno/e non riesco a trovar tranquillità.//Dagli alti covoni di fieno segato/nei prati carichi di tristezza,/cento profumi si alzano/ecantano i grilli,/ma il pettirosso tace/aspettando la luna tenera sulla valle.//Il cuore mi racconta/la solita filastrocca e rovista/sempre più a fondo la malinconia/della mia povera vita che si raggruma;/a forza di tagliare e limare/con la pietra anche il ferro si consuma.//Vorrei, ma non mi riesce a sera/coricarmi dimenticando tutto,/come fanno i mandriani/nelle bàite di Malera:/dentro mi rosica,/come una maledizione,/il chiarore grande che infuoca il cielo/laggiù distante, sopra la città.
***
Un anel de oro
Mi e ti,
darente,
come du colombi,
con la féara de tante speranse
che le stenta a morir.
Noantri du, che ghémo visto
– ma quatro piante, cara,
i è za in fiore! –
un rosario de giorni
de ore e de ani
finir come le strépole
cuerte da i sorchi del versóro,
mi e ti,
contenti,
portemo el peso de i ricordi
come un anel de oro.
UN ANELLO D’ORO: Io e te,/vicini,/come due colombi,/con la febbre di tante speranze/che stentano a morire.//Noi due, che abbiamo visto/-ma quattro piante, cara,/sono già fiorite!-/un rosario di giorni/di ore e di anni/finire come le stoppie/coperte dai solchi dell’aratro,/io e te,/contenti,/portiamo il peso dei ricordi/come un anello d’oro.
***
1 foto da Google
***
