L’Alpino: Poesia: “L’alpin” di Olindo Ermini… – 23

…a cura di Ilario Péraro

Alpini 2

Per le tue domande scrivi a: ilarioperaro@yahoo.it

 

L’alpin

Rente al fogo d’inverno i se scaldava
nono e neodo, e insieme i ciacolava …
Su par la capa gh’era tuto nero
ma lori i vedea ciaro el mondo intero.
“Conteme, nono, cosa l’è un alpin”
… disea con vose limpida el butin.
El vecio el se indrisava: “Scolta … senti …”,
e la ridea la boca sensa denti.

“L’alpin l’è el vero fiol de la montagna,
duro come la rocia, e no’l se lagna
s’el tribula e sfadiga sensa fine …
Par ricompensa el g’à le stele alpine!
Eto capì? No? Senti cosa diso: Quando
passa l’alpin, tuto un soriso
deventa el mondo: e done, e fiori e cielo,
i ghe fa festa al soldà più belo!

Se gh’è la guera po’ l’alpin l’è forte,
el core là dove gh’è la morte;
se gh’è la pace po’, l’alpin l’è oro,
pronto a iutar l’Italia col lavoro.

E da i so monti no‘l se lontana,
el se rampega e quasi el toca el ciel.
Dime se t’è capido, e po’ va a nana,
che l’è l’alpin el soldà più bel”.

El bocia el pensa, po’ col so vossin
che el sono l’à cambiado in tremolìo:
“Sì, nono, mi lo so ci l’è l’alpin,
l’alpin l’è l’omo più vissin a Dio”.

                                   Olindo Ermini

 

Ilario Péraro

↓