L’Alpino: “NIKOLAJEWKA: Poesia di Renzo Dalle Pezze un alpino del gruppo di Fane”

…a cura di Ilario Péraro

Per le tue domande scrivi a: ilarioperaro@yahoo.it

Poesia di Renzo Dalle Pezze un alpino del gruppo di Fane,
che ha partecipato ad un pellegrinaggio organizzato nel 2003.

ALPINI SUL DON – NIKOLAYEWKA … GRANDI FRADEI

Apena ho isto el Don, là in fondo a la val,
tra filari infiniti de betule:
ho ascoltà ‘l to lamento
che ‘l sol l’ha smorsà ‘n t’en pianto.
Propio chi solo, te dorme da ‘n bel pesso …
E come ti, tanti altri butei…
E pensar che ere tuti fradei !!!
Chi, su sta tera, cossì distante, cossì nera,
pronto al dover, anca nel far la guera,
te te fermà su sta granda pianura,
parché t’ha coresto drio, fame, fredo e ‘n po’ de paura !
Cossì lontan, da la to montagna,
da no sentir gnanca l’eco de ‘na campana.
E pensar che ere tuti fradei !!!
Fin che camino lezer, per no pestarte adosso,
parché no so, se te se li o là ‘n t’el fosso,
cònteme carcossa de la to storia …
o serve questo en cambio de ‘n po’ de gloria …
lassarghe chi le scarpe,
somenà da ogni parte ?!?!
E me ven ‘l dubio, che sìene tuti fradei !!!
Parché prima de la note freda, engiassà,
n’urlo, ‘n sbalso verso la libertà,
dopo un ultimo orizonte,
la ferovia, e ‘n picolo ponte.
Lì s’ha isto quanto val i schei …
Parché a rimeterghe i è sempre quei !!!
E me parea che fùssene fradei !!!
Torna a dormir, torna a sponsar,
adesso forse ho capio cossa far,
par scancelar quel che resta del to dolor,
nasa el profumo de sto fior,
che aven catà su ‘n te sta campagna,
e strùchelo come se ‘l fusse to mama !
Forse alora saren fradei !!!
Ma da cola olta là, è cambià poco o gnente.
Tuto va avanti ‘n tel modo piassè ‘ndiferente,
e se ne tegnen daconto i nostri rancori,
le guere e i tirani no cambia mai colori !
Questo i pol dirtelo quei che è tornà ‘ndrio.
E … ‘l resto, ghe ‘l contaren al Bon Dio.
Ma anca su là, i ha spartio i bruti da i bei !!!
E alora quando elo che denten fradei ???

Renzo Dalle Pezze