L’Angolo de la Wanda – Maggio 2003 – “TIRO CON L’ARCO”

…a cura di Graziano M. Cobelli

gcobelli05@gmail.com

Quatro Ciàcoe: da Verona

TIRO CON L’ARCO

Tenpo fa ò parlà de la “Conpagnia de la ponta del sol”, ‘n ‘associassion de arcieri de “Arcieria tradissional e stàrica” che i s’à posto I’obietivo de difòndar e svilupar ‘sto sport, belo e elegante, (oltre che ‘na vera e propria filosofia de vita) del tiro istintivo in anbiente natural con I’utiliso de le sole tipologìe e l’arco tradissional, da quelo antico costruì con materiàli come: legno, corno, osso, tendite, pèle, fibre vegetali, ecc…, fin al più recente arco longo, ciamà “Long bow” e a quel ricurvo. A le diese de domìnica 9 febrar 2003, dunque, i “Mastri Arcai” Paolo Carpigiani e Lalo (Attilio) Antoniazzi, i à inaugurà a Peschiera dal Garda, su l’area de l’ex bociodromo de Via Mandella, la palestra-scola del tiro con l’arco, organisà dal Comune, da l’Assessorato al Sport de la bela citadina sul Benaco e la “Federassion Italiana Arcieri, Tiro de Campagna”. Dopo el tradissional tajo del nastro, el Sìndaco, le altre autorità intervegnude e i du Maestri-istrutori i à brevemente intrategnù el folto pùblico su le finalità e su i obietivi che co’ ‘sta inportante strutura i responsàbili i se propone de realisar. Po’, dopo un rinfresco (ansi… un riscaldo a base de brulè, visto la temperatura polare) gh’è stado I’esibission de i Maestri e de i primi alievi, tra i quali diversi buteleti, anca lori co’ la so brava divisa verde, fregià de stema, e ‘l mini arco.
Do grande piste con sagome tridimensionali, de le quali una mobile, i ghe darà ai aspiranti “Robin Hood” I’ilusion de la cacia in esterno, magari ne la foresta de Sherwood, lì, pronti a darghe ‘na man a Ricardo Cuor di Leone ne la guera contro Giovanni Sensa Terra. l istrutori, che i g’à tuti el so brao patentin, i curarà ciascun un so grupo de alievi, conposto da non più de tre persone. l corsi i prevede cicli de oto lessioni e i è acessìbili a tuti, e con poca spesa, da i 6 ani in su. Par altre informassion se podarà telefonar al n° 045-6401644, opur a Paolo Carpigiani -Via Rosa n. 12 37026 Pescantina (Verona) tel. e fax. 045 ? – cell. ? (ndr).

Wanda Girardi Castellani