Pubblicazione del volume “Pregar… con Poesia” di Wanda Girardi Castellani… segnalazione a cura di Graziano M. Cobelli… – 51

Il tema preferito delle poesie di Wanda Girardi Castellani è sempre stato l’amore. L’amore che unisce l’uomo alla donna, ma anche quello tra madre e figlio o quello che proviamo per la vita stessa. Nella sua immensa produzione però le poesie di argomento religioso sono rare, ma essendo rare sono anche preziose. In questo piccolo libro ne sono state raccolte la maggior parte, raggruppandole possibilmente per argomento. Alcune poesie sono in italiano: Wanda per rivolgersi a Dio abbandona spesso l’amato dialetto per passare a quella lingua nella quale siamo abituati a pregare. La raccolta comprende alcuni veri capolavori, come il commovente “Sanmartin dei lumini” o lo splendido “Marie”, dove Maria viene riconosciuta in ogni donna che soffre. La raccolta si conclude con il bellissimo “Amo la vita”: un inno all’amore universale, quello che non ha mezze misure o condizioni… un inno a quella capacità di amare che Dio ha saputo infondere nell’uomo!

Prefazione

È finalmente uscito il libro di Wanda Girardi Castellani “Pregar… con Poesia” (Bonaccorso Ed.), con la prefazione del figlio Mirco Castellani. Il libro, primo “postumo” di Wanda riunisce ben 55 splendide Poesie tutte di argomento religioso.
Inizia con delle vere preghiere e toccando i temi più vari terminando con lo splendido “Amo la vita”, considerato il suo testamento spirituale.

Tra le poesie ci sono anche molte immagini, come ad esempio capitelli della Lessinia che il figlio, oltre a curare la pubblicazione, è andato apposta a fotografare.

 

Mirco Castellani

PREGAR… CON POESIA

Me mama Wanda l’è sta una de le voçi più grandi de la poesia dialetale veneta. L’à scominçià a scrivar poesie che l’andava ancora a scola, vestì col grembialìn rosa, e l’à continuà a scrivar poesie fin chè la g’avù fià de vivar! Anca se in otant’àni l’à esplorà i temi più vari, le so poesie i è sta’ soratuto poesie d’amor. Quel bel amor semplice e “umano” che fasèa sospirar Giulietta par Romeo e che l’è sta’ el motòr, par secoli e secoli, de infiniti tra romansi, film, cansonète e opere d’arte. Ma Wanda l’à senpre sentì che esiste anca qualcosa de più grande de l’amor umano: qualcosa de eterno, de infinito… e alòra ogni tanto la scrivea preghiere! La le scrivèa e la se le tegnèva sconte, parché i era na roba “sua”, l’èra el so amar Dio e el so sentirse amà da Lu. Le so poesie religiose le ò troà, sparse tra le so carte, quando èla l’era ancora viva. E alora ghe n’ò fato un libreto: pochi fòi sensa pretese stampà con la stampante del computer. A me mama gà fato piasèr troàr riunì quele so poesie, così ò insistì par farghene de le altre copie da darghe a amici e parenti. Parché tra quele poesie ghè dei veri capolavori! Se un poeta el pòl essar ricordà anca solo par ‘n unica poesia, Wanda la podarìa essar ricordà par una de queste. Nel giro de un àno el “libreto” l’è sta’ ristampà più òlte, ogni òlta migliorandolo e zontandoghe poesie. Dopo, come ricordarì, nel Setenbre 2017 ghe sta’ la fine. Inaspetàda. Da un giorno a l’altro. L’era ‘na dominica e mi son ‘nda ne la so “casa de riposo”, armà come al solito de carte e computer par laoràr con èla a qualche articolo. Rivà in càmara l’ò troà coi òci persi. Persi nel gnènte. El corpo el ghèra, me la mente no… no la ghèra più. Sparì! E nel giro de pochi giorni, come un motòr che finìsse la bensina, anca el corpo el s’à fermà. Al funeràl el so grande amigo prete, Don Mario Gonzo, invèsse de far la predica classica l’à tirà fòra el libreto, proprio “quel” libreto, e l’à leto poesie. Le più adàte. L’è sta ‘na roba grande… parché cusì ancora ‘na òlta el gà dà la voçe fasèndone sentir che l’èra ancora viva ne le so poesie, e che se ghè un paradiso l’è de sicuro li, parché la so fede l’era grande! Cusì fin da alòra me son ripromesso de trasformàr quel librèto stampà con la stampante in un libro vero, fato ben, da vendar in libreria. Par èla. Par mi. Par tuti quei che gà el dirìto e el dover de conòssarla. Ghè volù tenpo. Parché ò messo insieme 55 poesie riunì in çinque capitoli: Preghiere, Maria, Cristo, Cèse e “Considerassioni”. G’è sta’ dopo da decidar la copertina, el titolo, l’introdussiòn… e troàr le imagini da metar insieme a le poesie. Par le foto alòra son partì con la machina fotografica in çerca dei capitèi de la Lessinia! Grassie anca a l’editor Bonaccorso, che el s’à ciapà personalmente a còr el progèto, el risultato l’è sta un libro veramente bèlo! La prima parte la contien 16 poesie tra preghiere e riflessioni su la ricerca de Dio. Se scopre la fiducia che la g’avèa in Lu: ne “La grande opera” el màl, el dolor e la disgràssia i è i colpi de un martèl che scolpisse el diamante. A la fine el risultato el sarà splendido, ma prima bisogna soportàr con fiducia le martelàde! Dopo inissia 11 poesie dedicà a la Madona. Wanda l’à senpre visto in Maria ‘na mama e ‘na dòna, come èla… come èla, e come tute le mame e le dòne del mondo. Indicativa la poesia: “Marie”, dove Maria la vien riconossù in tute le mame che à patì e che ancora patisse vejàndo in silensio un fiòl morto massa presto. Comovente la bèla “Sanmartin de lumini”: davanti a la statua de la Madona gh’è pien de candele, davanti al Cristo in croçe no… el “Butìn” in brasso a Maria el dise: “Mama, ci èlo quel’òmo che no gà gnànca un lumin ?” e alora Maria durante la note pian a pian la sposta tuti i lumini sòto al Crocefisso, tegnèndose par èla solo la luce del so amor. Dopo vien siè poesie dedicà al Cristo. Par Wanda Gesù l’era n’amigo, n’amigo che anca se no te’l vedi te sè che ‘l ghè. L’amigo “Quel più vero”, quel che à portà la Croçe par insegnarne che ‘na Croçe se pòl portarla. Proseguimo con 9 poesie dedicà a le cesète. Wanda la sentiva l’Infinito più facilmente in ‘na pòra cesèta romanica piutosto che in ‘na grande catedràl. Così troèmo anca “A san Giovani in Vale” (vedi Q.C. 5/2017), ‘na poesia che me mama l’à senpre amà. Se conclude con 13 poesie su argomenti vari, ma senpre ligà a la fede… gh’è “Amo la vita”, che se pol considerar el so testamento spirituàl, e ghè l’incisiva “Parchè?”: de sicuro l’ultima poesia che l’à scrito. “Pregar… con poesia” el ne farà scoprir ‘na Wanda diversa da quela che conossèmo, el ne farà penetrar nel segreto de la so anima, un’anima che adesso (come scrivèa el so amigo Gianni Faè) l’è nel “Ciaro grando”.

Castellani Mirco

AMO LA VITA

Amo la vita
l’è tuta ‘na scoperta… l’è un stupór
da quando le persiane le tamisa
el primo sol sfaciato… el primo canto
a quando el dì nel fògo el va a morìr.

Amo e me incanta tuta la natura
da le çime più alte al bao par tera.

Amo quel Dio che sempre trasparisse
da le assióni de l’omo e in quel che l’è.

Amo ci me vól ben, ci no’ me ama.
Amo l’amor, quel dolçe e quel’amaro.

Amo el dolor che sta drio de ogni gioia
levegàndose a piàn nel mar del tempo
come la véra sóto a ‘na fontana.

Amo i me sogni, cine de ogni note,
che no’ gà fine mai oltre el risvéio
e amo la çertessa de la morte
parché dopo el mistèr de quela porta
amo pensàr a ‘n mondo ancora mèio!

Wanda Girardi Castellani