L’Angolo de la Wanda – Settembre 1999 – “CANGRANDE”

…a cura di Graziano M. Cobelli

gcobelli05@gmail.com

Quatro Ciàcoe: da Verona

“CANGRANDE”

EI vintidù de luio, in ocasin del 670° aniversario de la morte de Cangrande De La Scala, el Club “Giulietta” I’à organisà ‘na bela manifestassion in piassa Dante a Verona.
Malgrado che’l tenpo el fusse un fià dispetoso, a le 6 de sera la piassa l’èra piena macà e I’arivo de Cangrande co’ la so corte de cavalieri, sbandieradori, tanburini e chiarine, tuti splendidamente vestidi, l’è stà saludà con ‘na salva de batimani. Ne la cesa, po’, de Santa Maria antica, sul portal de la qual dorme el sono eterno del Principe veronese, nel so sarcòfago incapelà da la celebre statua equestre, gh’è stà la S. Messa co’ I’aconpagnamento de canti gregoriani e polifonici.
A la fine, da I’altar, la poetessa Wanda Girardi Castellani I’à comemorà in poesia el “Signor” de Verona, al qual, za su “Quatro Ciàcoe” nel nùmaro de magio 1991, I’avea dedicà un longo artìcolo dal tìtolo “700 ani fa, Cangrande”.

Wanda Girardi Castellani