L’Angolo de la Wanda – Settembre 1998 – “Cultura veneta – EI premio “Lorenzo Calabrese” 1998 al Capitano Gino Cadamuro Morgante”
…a cura di Graziano M. Cobelli
gcobelli05@gmail.com
Quatro Ciàcoe: da Verona
“Cultura veneta – EI premio “Lorenzo Calabrese” 1998 al Capitano Gino Cadamuro Morgante”
In sen al premio de Pescantina, (nato 21 ani fa) da la data de la scomparsa del primo Presidente de ‘sta giuria, prof. Lorenzo Calabrese, assessor a la cultura par la Provincia de Verona, vìen oferto e consegnà, in so memoria, da la vedova, prof. Alda, l’ormai famoso e prestigioso premio dedicado a la cultura veneta.
Ne l”89 el premio el gh’è andà a Toni Beltrami e l’ano dopo al dr. Andrea Cason del “SiI” trevisan. Nel 1991, a Piero Mantovani nel 1992… a mi! El 1993 l’è stà l’ano de la Enrica Gorgeri, Presidente de la “Panocia” de Schio; indimenticabile amiga e poetessa sconparsa pochi mesi dopo. EI premio l’è stà po’ consegnà nel 1995 al senator, prof. Paride Piasenti e nel 1996 a l’altro grande sconparso, prof. Giuseppe Faccincani. L’àno passà l’è stà po’ la volta del prof. Dino Coltro.
Par el 1998 la comission l’à unanimemente deciso de assegnar el riconoscimento un altro grande personagio del mondo culturaI veneto; Gino Cadamuro Morgante, diretor del “Burchielo” de i poeti veneti, co’ la seguente motivassion:
“Al poeta giornalista Gino Cadamuro Morgante per la longa, instancabile, appassionada òpara in difesa e par la preservassion de la lengua e de le tradissioni venete”
Gino Cadamuro, nato a Venessia, do, che’l risiede, el scrive poesìe dal 1931, l’à studià al Nautico de Venessia diplomandose Capitano de Longo Corso. Par el coraio el spirito de sacrificio dimostrà ne l’ultima guera l’è stà decorà, sul canpo, co’ la medaja de bronso al valor militare.
Come poeta el g’à ‘vu ‘na barca (o mèjo ‘na “nave”) de riconossimenti. Varie le opere edite e miga solo de poesie!
Dopo ‘na longa colaborassion, nel 1971 entrà come Redator nel “Burchielo”, mensile de cultura veneta nato nel 1959, e dal 1991 el ghe n’à assunto anca la diression. Nel 1991 l’è stà eleto “Timonier” e… el d’è tutora! Tra le altre, l’è pura Presidente de l’Ass. cultural poeti e amiçi de la poesia dialetal triveneta “EI Burchielo”.
Se qualchedun g’avesse voja de vegneghe a far festa… la cerimonia la se svolgerà a Pescantina el 13 de setenbre p.v. a le 16.30, presso la Ceseta de la Madonina, Madonna (Pescantina -Verona). Po’… brindaremo insieme in so onor.
