L’Angolo de la Wanda – Settembre 1994 – “L’ultimo Fracanapa”

…a cura di Graziano M. Cobelli

gcobelli05@gmail.com

Quatro Ciàcoe: da Verona

“L’ultimo Fracanapa”

‘Pena che I’ò savudo ò stentà a credarghe; I’èra vegnù da mi a bear el cafè poco tempo prima! EI “Dio de l’oro”, al secolo, Giorgio Bissoli, el m’à contà che, come Mario Riva, Adriano I’èra cascà in ‘Rena e gnanca el se n’avea incorto de èssarse fato mal seriamente. Quando che infine el s’à deciso de ‘ndar a I’ospedal l’è stà massa tardi; altri du dì e l’è tornà fora co’ i piè par davanti! Pensar che, za co’ la “messora” a ‘n pel da le scàpole, I’à seità a ‘ndar in òlta a portar, co’ la so arte, I’alegria, come che I’avea sempre fato, Adriano Manfredi… I’ultimo Fracanapa! Quando no’l g’avea el costume da carneval, la divisa l’era: na giustrina a la Chevalier, fior su la patèla, farfalina al col e ‘na margaritona in man. Nato in Veroneta, in gioventù I’avea fato I’orevese con Angelo Antoniazzi, nel laboratorio de Modena. Ma la so passion I’èra el teatro par el qual l’avea milità ne le più grandi compagnie del Veneto recitando soratuto I’amado Goldoni. L’avea anca partecipà a tuti i film giradi ne la nostra provincia; Pirata, nel ciclo dei Corsari, sul Garda e mormon ne “II potere” de Augusto Pretti. EI contava con orgolio de aver recità parfin a fianco de Laurence Olivier. EI so vero pan, però, I’èra el cabaret e i lo savea ben i clienti de i bar dela Brà ‘ndò par ani el s’a esibido co’ le orchestrine e gh’è parfin de i dischi che porta la so voçe inconfondìbile. Ne l’80, tra i tanti inportanti premi, I’à vinto “I’aplauso d’oro” e l’ano passà I’à tocà el vertice co’ la medaia de la çità, che i g’à consegnado in sala de i arazzi, in Municipio. Nel carneval veronese la màscara che magistralmente l’interpretava I’èra Fracanapa, un personagio ‘ndò ‘l s’avea calà talmente ben da finìr co’ I’usarde el nome parfin par firmar le poesie che anualmente el ghe dedicava ai Cavalieri de Vitorio Veneto nei raduni de Verona e de Bassan; Adriano, de sta legendaria Associassion el savea tuto e, ano dopo ano, el tegneva el conto de ci andava e ci restava. EI pensava de trasferirse a la casa de riposo de D. Carlo Steeb, ma el ga fato i conti sensa I’osto. AI funeral, ale 9 de matina, vedendo la cesa mèsa uda ò fato le me solite amare considerassioni; dei veci amici che in vita Adriano el g’à ‘vù d’atorno, gh’èra solo el bravo e sensibile caricaturista e giornalista Bruno Prosdocimi, Isalberti, ideator del carneval de S. Zeneto, I’assessor Pizzoli, Giorgio Bissoli, el “Duca de la Pignata”, signor Trainotti e mi. Dov’èreli i meiara de fans che generosamente, entusiasticamente Adriano I’à delissià, el più de le òlte sensa guadagnarghe gnanca un gòto de aqua? E quanti sarài, a la sfilada del vènardi gnocolar, vedendo che’l manca, a verghe ‘n’istante de strucacor ?

Wanda Girardi Castellani