L’Angolo de la Wanda – Marzo 2001 – “Inquinamento luminoso”

…a cura di Graziano M. Cobelli

gcobelli05@gmail.com

Quatro Ciàcoe: da Verona

Inquinamento luminoso

Su le coline de Àvesa veronese se poI amirar el bel osservatorio astronòmico del dot. Toledano.
Quando una trentina de ani fa g’ò avù l’oportunità de visitarlo, el cel sora Verona l’èra ancora un mar de stele. ‘Desso quel mar pàr che’l se sia roversado in tera e el cel I’è deventà un posso dove solo qualche sbiavo lumin se àrdega a zugar a “baeto” nel stròo (buio pesto).
Eco: questa la podarìa èssar la “copertina” del sempre più grave drama de l’inquinamento luminoso, tema de la conferensa che s’à tegnù, el 27 genar passà, nel salon de la Cariverona, in via Rosa, davanti a un pùblico intervegnù numeroso malgrado l’inusuale ora de inissio: le 9.
A organisar ‘sta inportante manifestassion l’è stà el Cìrcolo Astròfili veronesi “Antonio Cagnoli” in colaborassion con “Veneto stellato” e “Cielobuio” – Coordinamento par la protession del ciel notumo, Intemational Dark-Sky Association – Union Astròfili Italiani.
La conferensa l’è scominçià co’l saludo del dot. Giuseppe Coghi, Presidente del nostro Circolo. EI secondo intervento el l’à fato el responsàbile del CReVIL, dot. Leopoldo Della Gassa, descrivendo l’atività del Coordinamento Regionale Venetocontro l’inquinamento luminoso e i risultati fadigosamente otegnudi. À po’ parlà del problema “a tapeto”, iutàndose con de i lùcidi e de le interessanti diapositive, el dot. Pierantonio Cinzano de l’Università de Padova. L’argomento l’è stà: la situassion e le prospetive par el futuro.
Infine, a far el punto su la situassion, in particolar su Verona, è stado Roberto Biondani, del Circolo Astrofili Veronesi e responsàbile par la lota a l’inquinamento luminoso.
Bela la definission de i astròfili; “Le sentinele del cel”; l’è come g’avessimo dà ‘na meritadìssima medaia d’onor!
L’inquinamento luminoso l’è causà da lampioni non in règola co’ la lege, che, inveçe de iluminar in basso i è rivolti in sù.
Par no’ parlar de le insegne e de le luci al laser de le discoteche che le “siàboIa” alte nel cel. EI dot. Cinzano l’à dito che se seitemo cusì, fra manco de vint’ani no’ se podarà più vedar la Via Latea, da nissuna parte!
Cosa se poI far? Limitar l’iluminassion e smorsar le luci quando no’ le serve; e questo portarla anca a un bel risparmio energètico. Far, soratuto, in maniera che nissuna luce la sia rivoltà in alto. Anca l’iluminassion de le zone artìstiche e de i centri stòrici la deve èssar mirada da l’alto verso el basso cusì da metar in risalto le belesse de monumenti, sensa dani a l’ambiente e sensa sprechi.
L’iluminassion che inquina l’è anca causa de alterassioni parfin nel comportamento de le bestie, primi fra tute i usèi che “imbroià” da le luci de le çità i poI, ne le cìcliche migrassioni, sbaliar strada. In America in un giardin pùblico esageratamente e malamente iluminà gh’è stà de i orsi che à distruto i lampioni in quanto i ghe dava fastidio inpedendoghe el riposo. Famoso pura el comportamento de’ n galeto in quel de Mestre che, inmagà da le luci oramai el canta de note. In diversi paesi del mondo i è stà aprovadi provedimenti legislativi de vario gènere, rivolti a ridur el grave problema (el primo za nel 1958 a Flagstaff in Arizona, USA) e anca in Italia è stà presentà de i disegni de lege al Senato e a la Càmara de i Deputati e aprovà legi regionali a riguardo.
EI cel stelado, come tute le altre belesse de la natura l’è un patrimonio che el g’à da èssar tutelado nel nostro interesse e in quel de i nostri fioi! L’UNESCO ne la so dichiarassion universal de i diriti de le generassioni a vegner l’à stabilì che: “Le persone de doman le g’à dirito a ‘na tera sensa contaminassioni e a un cel puro”.
EI problema el ne riguarda tuti e no’ stemo a spetar che a guarir ‘sta nostra malcunada tera che tuti più o manco emo cooperà a ‘sassinar, i sia i altri; inpegnemose da sùbito e in prima persona, prima che sia veramenta massa tardi!

Sta mapa la mostra la luminosità artificiale del cel de note in Italia a livelo del mar, dovuda a la …diffusione da parte di molecole e particelle atmosferiche della luce dispersa verso la volta celeste”. La mapa fa parte de un atlante mondial che se basa su… misure ad alta risoluzione ottenute con satelliti USAF da un gruppo di ricercatori dell’Università di Padova e del National Geophysical Data Center, coordinati dal dot. Pierantonio Cinzano. Ogni livello di grigio indica una luminosità tre volte maggiore del precedente”. (Blackwell Science Ltd). (Foto e didascalia gentilmente concesse dal dot. Cinzano del Dipartimento de Astronomia – Univ. de Padova)

Wanda Girardi Castellani

***

Come si deduce dall’articolo esiste una mappa, purtroppo non ne sono entrato in possesso.