L’Angolo de la Wanda – Giugno 1994 – “CONCERTO PAR GIUSEPPE LUGO”.

…a cura di Graziano M. Cobelli

gcobelli05@gmail.com
Wanda Girardi Castellani

Quatro Ciàcoe: da Verona

“CONCERTO PAR GIUSEPPE LUGO”.

EI 29 april, par ricordar el nostro Bepi Lugo, el bel teatro Filarmonico de Verona el s’à presentà, oltre che in vestito rigorosamente da sera, in “en plein”! Dopo la comemorassion vera e propia fata dal musicologo Carlo Bologna, seguì dal “ricordo” de la soprano Magda Olivero che de Lugo l’è stà partner, compagnà da la brava pianista, sign.ra Michela Forgione, s’à alternà sul palco i cantanti: Maria Angeles Peters (soprano), Maria Riso (mesosoprano), Giorgio Zancanaro (baritono; senpre più bravo) e Nicola Martinucci (uno tra i mèio tenori del mondo). Ha presentà, brava e simpatica come senpre, Luciana Ravazzin. Del comitato promotore e organisatore, oltre al nostro amigo Maestro Luciano Pollini, à fato parte ativa la nostra Wanda Girardi Castellani, lungamente aplaudì dal publico. Presente la fameia Lugo, a fine concerto gh’è stà la sena a villa Vento de Custoza; tuti ospiti del gentile e bravo sign. Giuseppe Pezzini che de Lugo l’è stà bon amigo, subentrando po’ ne la gestion del bel ristorante… andò che, tra l’altro, se magna ben!

Wanda Girardi Castellani

Scritto da

↓