Ciao Giampaolo… – 7

…a cura di Graziano M. Cobelli

Cari Amici,
Sabato 7 Febbraio 2015, il grande Amico e Poeta, Giampaolo Feriani, ci ha lasciati

Ciao Giampaolo,

 Note, cristiani

“note, cristiani… par stasera basta
e, se Dio vol, se cataren doman…”
e col saludo antico del filó
la gente in stala se dasea la man…

“note cristiani…” e sto segnal de pace
me lo portava in leto a brassacol
co un par de fole e el segno de la croce
che me fasea me mama sul nissol…

“note, cristiani…” l’è finì il filó!
Adesso che l’em messo in un canton
no sen più boni gnan de saludarse…
se fa filó co la television

che, dopo averne imatonìo de fole,
anca ela la saluda, come a sti ani…
ma lí darente no gh’è un can che se alza
a darte man e dir “note, cristiani…”

 Giampaolo Feriani