L’Angolo de la Wanda – Aprile 1996 – NOTISSIARIO – “CARLO BOLOGNA”

…a cura di Graziano M. Cobelli

gcobelli05@gmail.com

Quatro Ciàcoe: da Verona

NOTISSIARIO – “CARLO BOLOGNA”

Tuta Verona, el giornalismo e la musica, xe stà in luto par la sconparsa de sto grande musicologo. Mi I’ò conossù personalmente in ocasion de la riunion de giurìa de’n concorso de poesia vernàcola dedicà a “Nanà; la dona ne la resistensa”, organisà da la Consortia de Avesa, più de vint’ani fa. Parché, Carlo Bologna, oltre che de musica e de tante altre robe, el se ne intendea anca de poesia, specialmente de quela in dialeto veronese e veneto in general, tanto è vero che ani fa I’à recensì sul giornal “L’Arena” un nostro spetacolo in veronese; “Su le banchete de Pradalaval” (registra Gianpaolo Feriani e tra i “atori”, la sotoscrita) usando egregiamente, inveçe de I’italian, el nostro dialeto.
Ma Carlo Bologna el fasea parte anca del “Comitato Giuseppe Lugo”; un membro ativissimo, sempre disponibile, oltre che straordinariamente competente e anca qua el ne mancarà tanto!
Quando marti 27 febrar n’è rivà la notissia de la so morte, pur essendo a conossensa de la so longa, teribile e inguaribile malatia, ne s’à strucà a tuti el cor, specialmente al presidente del Cenacolo, prof. Giuseppe Faccincani del qual l’èra amigo fraterno, oltre che colega, da ‘na vita. Da ondes’ani el s’èra ritirà da la profession ativa restando paraltro al so posto de critico musical del giornal “I’Arena” dove che I’avea laorà par più de trent’ani.
Da giovane, fin che’l studiava pianoforte, el s’èra iscrito a chimica presso l’Università de Bologna, ma la so vocassion I’èra par la musica e par el giornalismo; campi ‘ndò che po’ I’à ragiunto vertiginose vete.
Çerti so sagi, ligadi a la musica a Verona, i è restà fondamentài; el più importante l’è dedicà a Italo Montemezzi.
Grande anca el so interesse par Antonio Salieri che I’à sempre esaltà e difeso.
Carlo Bologna, fin al limite del possibile, l’è stà presente a ogni importante manifestassion musicale, veronese e non, e le so critiche i è stà sempre oneste, oltre che splendide, anca se mai cative.
Nel 1976 par el volume “La musica a Verona” (Banca Popolare) I’à redato el capitolo su la musica veronese dal post-rinascimento ai giorni nostri; un documento unico… un monumento, ‘desso, a ‘sto “grande” par testimoniarlo a le generassioni future.
Gh’è da darghe ato a Carlo Bologna anca de l’impegno generoso in qualità de docente presso l’Università de la Tersa Età.

Wanda Girardi Castellani